BET-RAFA

[Balay ni Rafa].

Agparang daytoy a nagan iti 1 Cronicas 4:12 a sadiay nadakamat a ni Eston ti ‘ama ni Bet-rafa.’ Yantangay nausar ti “Bet” (kaipapananna ti “Balay”) iti dayta a nagan, ti adu a komentarista inyaplikarda dayta iti maysa a “balay” ti pamilia wenno maysa a lugar. Kuna ti Commentary on the Old Testament da Keil ken Delitzsch (1973, Tomo III, 1 Cronicas, p. 88): “Nagtaud ken Eston ti balay (ti pamilia) ni Rafa, nga awan met ti kanayonan a naikuna maipapan kenkuana; ta saan a mabalin nga inaig ida ken Rafa a Benjamita (viii. 2) wenno iti annak ni Rafa (xx. 4, 6, 8).”