BEZER

1. [mabalin a, Napateg a Naba]. Maysa kadagiti “annak ni Zofa” iti tribu ni Aser.​—1Cr 7:30, 36, 37.

2. [Di Maasitgan a Disso]. Siudad a pagkamangan a kukua dagiti Levita, maysa kadagiti tallo nga adda iti makindaya a deppaar ti Jordan, a naituding kangrunaanna a maipaay iti tribu ni Ruben. (De 4:41-43; Jos 20:8; 21:36; 1Cr 6:78) Naikuna nga adda “iti tanap” ken “idiay Jerico iti daya ti Jordan . . . idiay let-ang.” Ti Bezer ket kadawyan a maikunkuna nga isu ti agdama nga Umm el-ʽAmad, masarakan iti nangato a lantag a rehion, 19 km (12 mi) iti abagatan ti Rabba (idiay Ammon). Nadakamat dayta iti Bato a Moabita kas maysa kadagiti siudad nga innala ken sinarikedkedan ni Ari Mesa ti Moab iti iyaalsana maibusor iti Israel kalpasan ti ipapatay ni Ari Acab idi agarup 920 K.K.P.​—2Ar 3:5.