BINUI

[napaababa a porma ti Benaias, kaipapananna ti “Nagbangon ni Jehova”].

1. Maysa nga inapo iti Israel a dagiti kaputotanna, a nasurok nga 600 ti bilangda, ket nagsublida idiay Jerusalem idi 537 K.K.P. (Ne 7:6, 7, 15) Bani ti nayawag kenkuana iti Esdras 2:10.

2. Levita a nagsubli a kadua ni Zorobabel, 537 K.K.P. (Ne 12:1, 8) Nalawag a ti anakna a ni Noadias ti timmulong a nangaywan kadagiti kanayonan nga aruaten iti templo idi inteden dagita ni Esdras iti templo idiay Jerusalem idi 468 K.K.P.​—Esd 8:33.

3. Maysa kadagiti “annak ni Pahat-moab” a namagtalaw iti ganggannaet nga assawada a babbai ken annakda, gapu iti panangiparegta ni Esdras.​—Esd 10:30, 44.

4. Maysa nga Israelita, a ti sumagmamano kadagiti ‘annakna’ ket pinapanawda ti ganggannaet nga assawada a babbai.​—Esd 10:38, 44.

5. Maysa nga Israelita a timmulong ken Nehemias iti panangbangon manen iti pader ti Jerusalem. (Ne 3:24) Daytoy nga anak ni Henadad mabalin nga isu met laeng ti Num. 6.

6. Maysa kadagiti Levitico nga annak ni Henadad. Mabalin nga inapo ti maysa nga immanamong iti “mapagpiaran nga urnos” idi kaaldawan ni Nehemias; no kasta mabalin nga isu met laeng ti Num. 2. (Ne 9:38; 10:1, 9) Iti sabali a bangir, no ni Binui a mismo ti nangselio iti daytoy a tulagan, imbes a ti maysa kadagiti kaputotanna, mabalin nga isuna met laeng ti Num. 5. Wenno mabalin a saan nga isuna ngem kanagnaganna.