KELUB

[Kuribot; Tangkal].

1. Kaputotan ni Juda; kabsat ni Suha ken ama ni Mehir. (1Cr 4:1, 11) Ti pannakaipatarus ti nagan kas “Kelub” ket naibatay iti Masoretiko a teksto, ken kastoy met laeng ti agparang iti sumagmamano a patarus. (KJ, NW, Ro, AT) Nupay kasta, isu naawagan “Caleb” iti Griego a Septuagint, Syriac a Peshitta, ken iti Latin a Vulgate (kritikal a rebision ni Clemente), ket ngarud kasta ti agparang kadagiti patarus da Knox ken Lamsa.

2. Ama ni Ezri, daydiay nagserbi idi tiempo ni Ari David kas manangaywan kadagidiay mangtaltalon iti daga.​—1Cr 27:26.