ELISAFAT

[Ti Diosko Nangukom].

Maysa kadagiti panguluen ti ginasut a nakitulagan ni Jehoiada a padi; ket idi agangay, isu karaman kadagidiay naibaon iti intero a Juda a mangummong kadagiti Levita ken kadagiti pannakaulo ti balbalay ti amma ti Israel. (2Cr 23:1, 2) Ni Elisafat sinuportaranna ni Jehoiada iti pananggun-od iti kinaari maipaay ken Jehoas (a nainkalintegan nga agtawid iti trono) ken iti panangikkat ken Athalia a nangagaw iti turay.