ELNATAN

[Ti Dios Nangted].

1. Ti ama ni Nehusta nga ina ni Ari Jehoiaquin. (2Ar 24:8) Nalabit isu ti Elnatan a nadakamat kas “anak ni Acbor” nga imbaon ni Ari Jehoiaquim a mapan idiay Egipto tapno alaenna nga isubli ni mammadto Uria. (Jer 26:22, 23) Makapainteres ta ti maysa kadagiti Sursurat ti Laquis (numero III) a naaramid iti daydi a panawen dakamatenna ti nagan nga Elnatan, a kunkunana: “Ti komandante ti buyot, ni Conias nga anak ni Elnatan, simmalog tapno mapan idiay Egipto.”​—Ancient Near Eastern Texts, inurnos ni J. Pritchard, 1974, p. 322.

2, 3, 4. Iti libro ni Esdras, adda tallo a lallaki nga agnagan Elnatan. Dua ti napusgan kas “pannakaulo” ket ti maysa kas manangisuro. Sakbay ti ipapan ni Esdras idiay Jerusalem, intedna kadakuada idiay karayan Ahava ti bilin nga ipakaasida ken Iddo ken kadagiti Netineo idiay Casifia a mangyegda kadagiti agserbi iti balay ti Dios, nga iti dayta nagtignay dagiti Levita ken dagiti Netineo.​—Esd 8:15-20.