ELIMAS

[Mangkukulam].

Ti nagan a nainaig iti propesion wenno ti titulo ti “maysa a lalaki, a mangkukulam, ulbod a mammadto,” nga agnagan Bar-Jesus, maysa a Judio a nagnaed iti isla ti Chipre idi umuna a siglo K.P. (Ara 13:6-8) Ti alias nga Elimas saan ket a ti Bar-Jesus ti tuktukoyen ni Lucas iti sasao a ‘mangkukulam . . . a kas ti pannakaipatarus ti naganna.’ Kadawyan idi a maigamer dagiti Judio kadagiti arte ti panagsalamangka ken panagkulam, wenno, maaddaanda iti Griego nga alias no agnanaedda iti Griego a kagimongan.​—Ara 8:9-11; 19:17-19; kitaenyo ti BAR-JESUS.