Templo nga Imbangon ni Solomon

Nangibangon ni Solomon iti templo maipaay ken Jehova kalpasan a nakapagsaaden ti Israel iti Naikari a Daga ken natagikuadan ti siudad a nangikabilan ni Jehova iti naganna idi agangay. Ni Jehova a mismo ti arkitekto. Ti ama ni Solomon a ni David ti immawat iti “plano ti arkitektura ti tunggal banag . . . babaen ti paltiing.” (1Cr 28:11, 12) Nasurok a 180,000 a lallaki ti nagtrabaho iti pito ket kagudua a tawen a mangibangon iti templo, ket naileppasda dayta idi 1027 K.K.P. (1Ar 5:13-16; 6:1, 38) Ti templo, kas iti tabernakulo sakbay dayta, inrepresentarna ti “pudno a tolda,” ti naespirituan a templo ni Jehova.​—Heb 8:1-5; 9:2-10, 23.