ESTEMOA, ESTEMO

[mabalin a, Disso a Pagimdengan [kayatna a sawen, iti sao ti Dios]].

1. Anak ni Isba, wenno mabalin a maysa nga ili ti Juda a ti adu kadagiti agnanaed iti dayta nagtaudda ken Isba.​—1Cr 4:17.

2. Maysa a Maacatita ken kaputotan ni Hodias.​—1Cr 4:19.

3. Ili iti nakabambantay a rehion ti Juda ken naawagan met iti Estemo. Nupay naituding iti Juda idi damo, naipaay dayta kadagiti Levita idi agangay agraman dagiti pagpaarabanna. (Jos 15:50; 21:14; 1Cr 6:57) Katupag dayta ti agdama-aldaw a purok ti es Samuʽ (Eshtemoaʽ), nga adda iti agarup 15 km (9 mi) iti abagatan nga abagatan-a-laud ti Hebron. Nalabit isu met laeng ti Num. 1.

Ti Estemoa ket maysa kadagiti lugar a masansan a pappapanan idi ni David kas pugante. Kalpasan ti panagballigina maibusor kadagiti manangrubbuot nga Amalekita, pinatulodanna dagiti gagayyemna sadiay iti sagut manipud kadagiti samsam.​—1Sm 30:26-28.