ETER

Maysa a siudad ti Sefela nga adda iti teritoria ti Juda, ngem naituding ken Simeon. (Jos 15:33, 42; 19:1-9) Kadawyan a maikunkuna ita nga isu ti Khirbet el-ʽAter (Tel ʽEter), agarup 1.5 km (1 mi) iti amianan a laud ti Beit Jibrin (Eleutheropolis; Bet Guvrin). Ti salaysay iti Josue 19:7 ket gistay tumupag iti 1 Cronicas 4:32, ket agparang a ti Eter ti natukoy kas Toquen iti daytoy naud-udi a teksto.

Kunaen ti sumagmamano a reperensia nga adda dua nga Eter, daydiay adda iti Josue 15:42 a masarakan iti nagbaetan ti Libna ken Maresah (idiay Khirbet el-ʽAter, a nadakamat iti ngato), ken ti maysa a natukoy iti Josue 19:7 nga adda iti asideg ti Siclag iti abagatan. Nupay ti dadduma nga ili a natukoy iti Josue 19:7 ket addada amin iti abagatan ken kaaduan kadagidiay natukoy iti Josue 15:42 ket adda iti amianan, ngem mapaliiw a kadagitoy dua a teksto agpada a nadakamat ti ili ti Asan, isu a narigat a maammuan no nagduma dagitoy.