EVI

Maysa kadagiti lima a Midianita nga ar-ari wenno papanguluen a napapatay idi tiempo a nakirupak ti buyot ti Israel iti sidong ni Moises kas panangipakat iti pammales ni Jehova iti Midian gapu iti panangsulisogna iti Israel a makisinggalut ken Baal ti Peor. Dagitoy a Midianita nga ar-ari ket duke, kaaliansa, wenno basalio ni Sihon nga ari dagiti Amoreo. Ti teritoriada naited iti tribu ni Ruben.​—Nu 25:17, 18; 31:8; Jos 13:15, 21.