ESTADIO

Ti Griego a sao (staʹdi·on) a naipatarus a kasta ipasimudaagna ti sukat iti kaatiddog a katupag ti 185 m (625 Romano a pie; 606.75 Ingles a pie) wenno ¹⁄8 ti Romano a milia. (Ti Romano a milia katupag ti 1,479.5 m; 4,854 pie.) (Apo 14:20; 21:16) Daytoy ti pattapatta a kaatiddog agpadpada ti Attic ken ti Romano nga istadium. Naiduma daytoy iti agdama nga estadio a 201 m (660 pie). Iti 1 Corinto 9:24 ti termino nga staʹdi·on (istadium) naipatarus a “lumba,” yantangay maysa nga istadium ti kaatiddog ti Griego a paglulumbaan. Ti istadium a paglulumbaan iti Paay-ayam nga Olimpiada, nupay kasta, ket iti kinaagpaysuanna 192 m (630 pie).