GAT-HEFER

[Pagpespesan iti Ubas ti Hefer (Panagkali)].

Siudad iti pagbedngan ti Zabulon (Jos 19:10, 13) ken pagtaengan ni mammadto Jonas. (2Ar 14:25) Gagangay a maikunkuna nga isu ti Khirbet ez-Zurraʽ (Tel Gat Hefer), agarup 4 km (2.5 mi) iti amianan nga amianan-a-daya ti Nazaret ken lauden ti Meshhed (Mash-had), ti nabayagen a pagarup nga ayan ti tanem ni Jonas. Dagiti panagsukisok idiay Khirbet ez-Zurraʽ agparang a pasingkedanda ti sasao ti Biblia a ti disso ket napagyanan iti dua a periodo ti tiempo a nadakamat kadagiti nadakamaten a salaysay.