GEDEROT

[Dagiti Bato a Kulongan].

Siudad iti Sefela a naituding iti Juda (Jos 15:20, 33, 41) ken maysa kadagiti lugar a kinautibo dagiti Filisteo bayat ti panagturay ni Ari Acaz (761-746 K.K.P.). (2Cr 28:18, 19) Ti sumagmamano a geograpo kunaenda a nagsaad ti Gederot idiay Qatra, maysa a nabaybay-an a purok iti munturod iti las-ud ti moderno a Gedera, agarup 13 km (8 mi) iti daya nga amianan-a-daya ti Asdod, nupay kunaen ti dadduma a nalaud unay daytoy tapno maikuna nga adda iti Sefela.