HAMONA

[kaipapananna ti “Bunggoy (Umariwekwek)”].

Simboliko a siudad iti aglawlaw ti ginget a pakaitabonan ni Gog ken ti bunggoyna, kalpasan a ti nagkaykaysa nga irarautda iti ili ti Dios agngudo iti pannakaabak ken sapasap a pannakagudasda. Ti siudad naalana ti naganna manipud iti dayta a pasamak ken maysa a pakalaglagipan iti panagballigi ni Jehova maibusor kadagitoy a kalaban. (Eze 39:16) Ti maysa a siudad ipasimudaagna ti organisado a bunggoy ti tattao, a ditoy nalawag a tuktukoyenna ti pannakaorganisar maipaay iti pannakaibelleng dagiti tulang a nadeskribir iti Ezequiel 39:11-15.​—Kitaenyo ti GOG Num. 2.