HARBONA

Maysa kadagiti pito nga opisial ti palasio ni Asuero a naibaon tapno idanonna ken Reyna Vasti ti bilin ti ari a mapan agparang ti reyna iti sanguananna. Kalpasanna, idi naibutaktaken ti gandat ni Haman a mangtalipupos kadagiti Judio, dinakamat ni Harbona a nagpaaramid ni Haman iti 50-kasiko a kayo a pakaibitayan ni Mardokeo, gapu iti dayta natignay ni Asuero tapno ibilinna a ni Haman a mismo ti maibitay iti dayta.​—Est 1:10-12; 7:9, 10.