HODIAS

[Ni Jah ket Dayaw].

1. Maysa a lalaki a nangasawa iti kabsat ti maysa a Naham. Daytoy a naganna ket masarakan iti listaan ti kapuonan ni Juda.​—1Cr 4:1, 19.

2. Maysa a Levita a timmulong ken Esdras a nangilawlawag iti linteg ni Jehova iti kongregasion ti Israel a naguummong iti sango ti Ruangan ti Danum idiay publiko a plasa ti Jerusalem, ken nabatad a maysa met kadagidiay nangayab iti annak ti Israel tapno bendituenda ni Jehova ken ti nadayag a naganna ket kalpasanna rinepasoda dagiti pannakilangen ti Dios iti ilina. (Ne 8:1, 5, 7; 9:5) Mabalin a daytoy met laeng ti Hodias iti Num. 3 wenno 4.

3, 4. Ti nagan ti dua a Levita a babaen iti selio nangpatalged dagiti kaputotanda, no saan nga isuda a mismo, iti katulagan ti panagipudno idi gobernador ni Nehemias. No isuda a mismo ti nangselio, ngarud ti maysa kadakuada ket isu ti Num. 2.​—Ne 9:38; 10:1, 9, 10, 13.

5. Maysa kadagiti “pannakaulo dagiti umili” a nangpatalged dagiti kaputotanna, no saan nga isu a mismo, iti katulagan ti panagipudno idi kaaldawan ni Nehemias.​—Ne 10:1, 14, 18.