JABEZ

1. [nagtaud iti sao a kaipapananna ti “ut-ot”]. Maysa a kaputotan ni Juda a pinanaganan ni inana iti Jabez gapu iti nariknana nga ut-ot wenno panagparigatna a nangipasngay kenkuana. Pinaneknekan ni Jabez a nadaydayaw ngem ti kakabsatna ket, kas sungbat iti kararagna, napasaranna ti pamendision ken pannalaknib ni Jehova.​—1Cr 4:1, 9, 10.

2. Nalawag a maysa a lugar iti Juda, a nalabit imbangon ti Num. 1. Ti Jabez ti pagtaengan idi ti tallo a pamilia dagiti eskriba. (1Cr 2:55) Saan nga ammo ita ti eksakto nga ayanna.