JATTIR

[nagtaud iti sao a kaipapananna ti “aglaplapusanan; agliplippias”].

Siudad ti papadi iti kabambantayan ti Juda. (Jos 15:20, 48; 21:9, 10, 14; 1Cr 6:54, 57) Idiay Jattir ti nangipatulodan ni David iti maysa a paset ti samsam ti panagballigi a naala kadagiti rimmubbuot nga Amalekita. Nalabit inaramidna daytoy kas panangapresiarna iti panagpadagus ken suporta a naipakita kenkuana idi an-anupen ni Ari Saul.​—1Sm 30:17-20, 26, 27, 31.

Kadawyan a maikunkuna a ti Jattir isu ti Khirbet ʽAttir (Horvat Yattir), agarup 21 km (13 mi) iti abagatan nga abagatan-a-laud ti Hebron.