JEHUCAL

[Kabaelan ni Jehova; Agballigi ni Jehova], Jucal [napaababa a porma ti Jehucal].

Maysa a prinsipe nga imbaon ni Ari Zedekias a mangidawat ken Jeremias nga ikararaganna ti Juda. (Jer 37:3) Daytoy nga anak ni Selemias ken ti tallo pay a nalatak a prinsipe impaipisokda ni Jeremias iti napitak a pagurnongan ti danum gapu ta ibagbagada a ti panangaskasabana ti ‘nangpakapuy iti im-ima dagiti lallaki ti gubat,’ kasta met iti im-ima ti kaaduan nga umili.​—Jer 38:1-6.