JEREMOT

[nagtaud iti sao a kaipapananna ti “maipangato (maitan-ok)”].

1. Maysa a kaputotan ni Benjamin iti linia ti anakna a ni Bequer.​—1Cr 7:6, 8.

2. Maysa a Benjamita a pannakaulo ti maysa a pamilia a nagnaed idiay Jerusalem; maysa kadagiti “annak” ni Berias.​—1Cr 8:14-16, 28.

3. Anak ni Musi ken apoko ni Merari iti tribu ni Levi. Ti “balay ti amma” a nagtaud iti daytoy a tao, a “Jerimot” ti sabali pay nga ispeling ti naganna, ket karaman iti panangorganisar manen ni David iti panagserbi dagiti Levita.​—1Cr 23:21, 23; 24:30, 31.

4. Maysa nga anak ni Heman iti pamilia dagiti Cohatita a Levita. Bayat ti panagturay ni David, ni Jeremot (Jerimot) ket napili babaen ti binnunot kas mangidaulo iti maika-15 kadagiti 24 a benneg dagiti musikero iti santuario.​—1Cr 6:33; 25:1, 4, 8, 9, 22.

5, 6, 7. Tallo nga Israelita, iti annak da Elam, Zattu, ken Bani, a namagtalaw iti ganggannaet nga assawada a babai ken annakda idi kaaldawan ni Esdras.​—Esd 10:25-27, 29, 44.