JESUS

[Lat. a porma ti Gr. nga I·e·sousʹ, a katupag ti Heb. a Ye·shuʹaʽ wenno Yehoh·shuʹaʽ ken kaipapananna ti “Ni Jehova ket Salakan”].

Ti Judio a historiador a ni Josephus idi umuna a siglo K.P. ket nangdakamat iti agarup 12 a tattao nga agnagan Jesus, malaksid kadagiti nairekord iti Biblia. Agparang met dayta iti Apokripa a sursurat a naaramid bayat dagiti maudi a siglo ti K.K.P. Nabatad ngarud a gagangay dayta a nagan bayat dagidi a periodo.

1. Ti nagan nga I·e·sousʹ ket agparang iti Griego a teksto ti Aramid 7:45 ken Hebreo 4:8 kas tumukoy ken Josue, ti panguluen ti Israel kalpasan ti ipapatay ni Moises.​—Kitaenyo ti JOSUE Num. 1.

2. Maysa nga inapo ni Jesu-Kristo, nabatad nga iti linia ti inana. (Lu 3:29) “Jose(s)” ti mabasa ditoy iti sumagmamano a kadaanan a manuskrito.​—Kitaenyo ti KAPUONAN NI JESU-KRISTO.

3. Ni Jesu-Kristo.​—Kitaenyo ti JESU-KRISTO.

4. Maysa a Kristiano, nalabit Judio, ken katrabahuan ni Pablo. Naawagan met iti Justo.​—Col 4:11.