JOBAB

1. Maysa a kaputotan ni Sem babaen ken Joctan. (Ge 10:21, 25, 29; 1Cr 1:23) Saan nga ammo ita ti eksakto a rehion a nagyanan dagiti putot ni Jobab.

2. “Anak ni Zera manipud Bozra”; Edomita a monarka a nagturay maysa a tiempo sakbay a nagturay ni Saul kas umuna nga ari ti Israel. Ni Jobab ti nangsuno ken “Bela nga anak ni Beor” iti trono.​—Ge 36:31-34; 1Cr 1:43-45.

3. Ari ti Madon, maysa a siudad iti makin-amianan a Palestina. Ni Jobab ken ti dadduma a monarka nakitiponda ken Jabin nga ari ti Hasor iti iraraut maibusor kadagiti Israelita ngem naabakda idiay dandanum ti Merom.​—Jos 11:1-8; 12:19.

4. Anak ti Benjamita a ni Saharaim babaen iti asawana a ni Hodes.​—1Cr 8:1, 8, 9.

5. Maysa a kaputotan ti Benjamita a ni Saharaim babaen ken Elpaal.​—1Cr 8:1, 8, 11, 18.