JOGBEA

Maysa kadagiti nasarikedkedan a siudad nga addaan kadagiti bato a kulongan dagiti arban, binangon wenno imbangon manen dagiti Gadita sakbay ti ibaballasiwda iti Jordan a tumulong iti panangparmek iti Canaan. (Nu 32:34-36) Iti naud-udi a tiempo, dagiti puersa ni Ukom Gideon limmasatda iti Jogbea sakbay ti kellaat nga irarautda iti pakarso dagiti Midianita idiay Carcor. (Uk 8:10, 11) Ti Jogbea maikunkuna a dayta ita ti el-Jubeihat, a masarakan iti agarup 1,050 m (3,440 pie) iti ngatuen ti patar ti baybay ken agarup 10 km (6 mi) iti amianan a laud ti agdama-aldaw nga ʽAmman (Rabba).