CADMONEO, DAGITI

[nagtaud iti sao a kaipapananna ti “daya”].

Umili a nailista a karaman kadagiti dadduma pay a nasion a ti dagdagada ket inkari ni Jehova nga itedna iti bin-i ni Abram. (Ge 15:18-21) Nabatad a dagitoy ket pumapastor wenno agakar-akar a tribu, kas kadagiti Keneo ken Kenizeo a kaduada a nadakamat. (Ge 15:19) Saan a masigurado ti apag-isu nga ayan ti teritoriada, nupay maikunkuna a nagnaedda iti desierto ti Siria iti nagbaetan ti Palestina-Siria ken ti Karayan Eufrates.

Ti Hebreo a nagan daytoy nga ili (qadh·moh·niʹ) ket pumada ti pormana iti pangiladawan a sao (adjective) a qadh·moh·niʹ (makindaya, Eze 47:18); kunaen ngarud ti dadduma a mabalin a kaipapananna laeng ti “dagiti taga Daya.” (Uk 8:10) Nupay kasta, gapu ta naaramat daytoy a Hebreo a termino kas nagan iti Genesis 15:19 ipakitana a mabalin a tumukoy dayta iti maysa nga espesipiko a tribu.