KANA

[Runo; Unas].

1. Naapres a ginget a nagserbi kas beddeng iti nagbaetan ti Efraim ken Manases. (Jos 16:8; 17:9) Kadawyan ita a mainanaig iti Wadi Qanah (Nahal Qana). Aggapu daytoy bassit nga agus iti katurturodan sumagmamano a kilometro iti abagatan a laud ti Nablus ken, kas ti Wadi Ishkar, ti panagayusna ket agpaabagatan a laud kalpasanna tumipon iti Wadi Yarkon (Nahal Yarqon), sa agturong iti Baybay Mediteraneo iti amianan ti Tel Aviv-Yafo. Nupay kasta, patien ti dadduma nga eskolar nga idi kaaldawan ni Josue, ti makimbaba a paset ti Wadi Qanah ket nalabit agayus nga agtartarus iti Mediteraneo iti kawatiwat nga agarup 10 km (6 mi) pay iti amianan.

2. Maysa a siudad iti beddeng ti Aser. (Jos 19:24, 28) Kadawyan a maikunkuna nga isu ti agdama a Qana, agarup 12 km (7.5 mi) iti daya nga abagatan-a-daya ti Tiro.