QUELITA

[mabalin a nagtaud iti sao a kaipapananna ti “nakaab-ababa” [kayatna a sawen, pandek]].

1. Maysa kadagiti Levita idi kaaldawan ni Esdras a nangbigbig iti basolda iti panangalada iti ganggannaet nga assawa a babbai, iti kasta pinagtalawda dagita. Naawagan met iti Quelaias. (Esd 10:23, 44) Mabalin nga isu met laeng ti Num. 2 ken 3.

2. Maysa a Levita a timmulong ken Esdras iti ‘pannakailawlawag ti linteg kadagiti umili’ idi 455 K.K.P.​—Ne 8:7, 8; kitaenyo ti Num. 1.

3. Maysa a Levita a ti kaputotanna, no saan nga isu a mismo, pinatalgedanna babaen iti selio ti “mapagpiaran nga urnos” idi tiempo ni Nehemias. (Ne 9:38; 10:1, 9, 10) No siiimatang ni Quelita idi naaramid daytoy a tulagan, imbes a ti maysa a kaputotanna, mabalin nga isu met laeng ti Num. 1 wenno Num. 2.