KENAT

Maysa a disso iti daya ti Jordan a kinautibo ni Noba, nalabit maysa a Manasesita, nga idi agangay inawaganna dayta a disso iti bukodna a nagan. (Nu 32:42) Ngem nalabit saan a nagtalinaed ti awag a “Noba,” ta idi agangay ti “Kenat” naikuna nga innala ti Gesur ken Siria. (1Cr 2:23) Maikunkuna a ti Kenat isu ita dagiti rebba a masarakan idiay Kanaouat (wenno Canatha), agarup 90 km (60 mi) iti abagatan nga abagatan-a-daya ti Damasco ken 7 km (4.5 mi) iti amianan a laud ti agdama-aldaw a Soueida. Ti Kanaouat ket maysa kadagiti orihinal a sangapulo a siudad ti Decapolis.