KIRIATAIM

[Dua nga Ili].

1. Maysa a siudad iti daya ti Jordan, binangon wenno binangon manen dagiti Rubenita. (Nu 32:37; Jos 13:15, 19) Iti naud-udi a periodo, ti siudad ket inturayan dagiti Moabita. Nadakamat dayta kadagiti padto da Jeremias (48:1) ken Ezequiel (25:9) kas maysa a siudad ti Moab nga agpasar iti didigra. Iti nasaksakbay pay, ni Ari Mesa ti Moab idi maikasangapulo a siglo K.K.P. impasindayagna ti panangbangonna iti Qaryaten (mabalbalin a ti Kiriataim).

Dagiti eskolar gagangay nga isaadda dayta iti lugar iti asideg ti Quraiyat, agarup 10 km (6 mi) iti laud nga amianan-a-laud ti Dibon. Nupay kasta, saan a sakbay ti umuna a siglo K.K.P. ti petsa ti tedtedda a nasarakan sadiay, gapuna saan a masigurado ti eksakto nga ayanna.

2. Maysa a disso iti Neftali a naited kadagiti Gersonita a Levita (1Cr 6:71, 76) ken naawagan Cartan iti Josue 21:32.​—Kitaenyo ti CARTAN.