LEB-KAMAI

[Puso Dagidiay Tumakder a Bumusor Kaniak].

Agparang a maysa daytoy a nalimed-kaipapananna a nagan a tumukoy iti Caldea, wenno Kas·dimʹ. Masarakan laeng dayta iti Jeremias 51:1, iti sasao maipapan iti aramidento ni Jehova iti Babilonia ken kadagiti agnanaed iti Caldea. Iti daytoy a teksto, ti termino ket naaramat maitunos iti sistema a maaw-awagan athbash, nga iti dayta ti maudi a letra ti Hebreo nga alpabeto (taw) irepresentarna ti umuna a letra iti dayta a sao (ʼaʹleph), ti maikadua iti maudi a letra (shin) irepresentarna ti maikadua a letra iti sao (behth), ken agpatpatuloy. Iti kasta, iti Jeremias 51:1 nailemmeng ti pudno a nagan (Kas·dimʹ) babaen ti pannakabukel ti Hebreo a sao a Lev qa·maiʹ (Leb-kamai). Iti Griego a Septuagint, nailanad ti “dagiti Caldeo” imbes a “Leb-kamai”; kadagiti Targum nailanad ti “daga dagiti Caldeo.”