LETUSIM

[mabalin a nagtaud iti sao a kaipapananna ti “patademen; martilioen; pandayen”].

Nagan a karaman kadagiti kaputotan da Abraham ken Ketura babaen ken Dedan. (Ge 25:3) Daytoy a nagan ket nasuldongan iti pangadu a Hebreo a sao nga im, a kas met kadagiti nagan nga Assurim ken Leummim nga agparang iti isu met laeng a teksto. Gapu itoy, patien ti adu nga eskolar a ti matuktukoy ket maysa a tribu wenno ili. Gapu ta nainaigda ken Dedan, nalabit masarakan daytoy a tribu iti Peninsula ti Arabia, ngem saan a masigurado no ania a tribu ti matuktukoy.​—Kitaenyo ti MIZRAIM.