SALTERIO

Ti Hebreo a sao a sha·lishʹ ket agparang a nainaig iti maysa a sao a mangipasimudaag iti “tallo.” (Idiligyo ti Ex 14:7, Rbi8 ftn.) Ngarud, ti pangadu a porma a sha·li·shimʹ iti 1 Samuel 18:6 ket nagduduma ti pannakaipatarusna kas “pagtokar a tallo ti kuerdasda” (Ro), “tallo ti kuerdasda a pagtokar” (Yg), ken kas “salterio” (NW) nga isu ti inanamongan ti sumagmamano nga agdama a leksikon. Ipakita ti konteksto daytoy a bersikulo a daytoy ket nalag-an laeng a pagtokar iti musika, ta babbai nga Israelita ti nangaramat iti dayta bayat nga agkankanta ken agsalsalada kas panangrambak kadagiti panagballigi ni Ari Saul ken kasta met ni David.​—1Sm 18:6, 7.