MALCAM

[Ti Arida].

1. Maysa a Benjamita, anak ni Saharaim iti asawana a ni Hodes.​—1Cr 8:1, 8, 9.

2. Ti kangrunaan nga idolo a dios dagiti Ammonita. (2Sm 12:30; 1Cr 20:1, 2; Jer 49:1, 3) Mabalin nga isu met laeng ni Milcom, Molec, ken Moloc. (1Ar 11:5, 7; Ara 7:43) Iti Masoretiko a teksto, nagduma ti nagan a Malcam ken ti Milcom, ti “makarimon a banag dagiti Ammonita,” gapu laeng iti agsupadi a marka ti bokales dagitoy a Hebreo a sao. (1Ar 11:5) Maisupadi iti pammilin a naipaay iti Josue 23:7, rinugian dagiti Judio ti agaramid kadagiti sinapataan a kari babaen ken Malcam. (Sof 1:5) Masinunuo babaen iti konteksto no ti Hebreo a sao ket rumbeng nga ipatarus kas nagan dayta a dios wenno kas “ti arida.”​—Am 1:15; kitaenyo ti MOLEC.