MALQUI-SUA

[Ti Arik [Mangngegna] ti Panagpatulong[ko]].

Maysa kadagiti annak ni Ari Saul. (1Sm 14:49; 1Cr 8:33; 9:39) Pinapatay dagiti Filisteo iti bakal idiay Bantay Gilboa (1Sm 31:2; 1Cr 10:2), ket ti bangkayna (agraman ti bangkay ti kakabsatna a da Jonatan ken Abinadab ken ti bangkay ni amana a Saul) inlansa dagiti Filisteo iti pader ti Bet-san. Nupay kasta, dagiti maingel a lallaki ti Israel innalada dagiti bagi, pinuoranda ida idiay Jabes, ket intabonda dagiti tulangda sadiay.​—1Sm 31:8-13.