MEUNIM

No ibatay iti porma ti nagan, dagiti Meunim ket naibilang a tattao ti Arabia nga agnanaed idiay uneg ti Maʽan ken iti aglikmutna, maysa a siudad nga agarup 32 km (20 mi) iti daya nga abagatan-a-daya ti Petra.

Babaen ti tulong ni Jehova, nagballigi ni Ari Ozias (829-778 K.K.P.) ti Juda iti pannakigubatna iti Meunim. (2Cr 26:1, 7) Iti dayta a tiempo, nalabit dadduma kadagiti kautibo a Meunim ket nagbalin nga ad-adipen iti templo, isu nga idi agangay dagiti kaputotanda ket nailanad a karaman kadagiti Netineo a nagsubli manipud pannakaidestiero idiay Babilonia.​—Esd 2:1, 2, 43, 50; Ne 7:52; idiligyo ti Sal 68:18.

Bayat ti panagturay ni Ezekias (745-717 K.K.P.), pinarmek ti maysa a bunggoy dagiti Simeonita dagiti Hamita ken dagiti Meunim iti aglikmut ti Gedor.​—1Cr 4:24, 39-41; kitaenyo ti AMMONIM.