MUNTUON

Maysa a geograpiko a paset wenno maysa nga estruktura iti kadaanan a Jerusalem. (2Sm 5:9; 1Ar 9:15, 24; 11:27; 2Ar 12:20; 1Cr 11:8; 2Cr 32:5) Iti Uk-ukom 9:6, 20, “Millo” ti nakaipatarusan ti isu met laeng a Hebreo a sao a naipatarus a “Muntuon” (mil·lohʼʹ).​—Kitaenyo ti MILLO.

Saan nga ammo ita ti apag-isu a kasasaad ti Muntuon. Iti 2 Ar-ari 12:20, natukoy ti “balay ti Muntuon,” a mangipasimudaag a maysa dayta nga arig-salindeg nga estruktura. No maipapan iti ayanna, ti 2 Samuel 5:9 ken ti 2 Cronicas 32:5 inaigda dayta iti Siudad ni David, a mangipasimudaag a mabalin nga adda iti uneg wenno iti igid ti Siudad ni David.