NAARA

1. [Balasitang; Agtutubo a Babai]. Asawa ni Asur a kameng ti Juda a babaen kenkuana naaddaan iti uppat nga annak.​—1Cr 4:1, 5, 6.

2. [nagtaud iti sao a kaipapananna ti “iwagwag”]. Maysa a siudad nga adda iti beddeng ti Efraim (Jos 16:5, 7) a naipagarup nga isu met laeng ti Naaran. (1Cr 7:28) Kadawyan a maikunkuna a ti Naara ket katupag ti No·o·rathʹ iti Onomasticon (136, 24) ni Eusebius. Kasla daytoy a lugar ti inawagan ni Josephus iti Neara. Salaysayenna a naawid ti kagudua ti dandanum ti siudad tapno mapadanuman dagiti palma iti asideg ti palasio ni Arquelao idiay Jerico. (Jewish Antiquities, XVII, 340 [xiii, 1]) Nupay saan a sigurado, maikunkuna nga isu dayta ti Tell el-Jisr, agarup 3 km (2 mi) iti amianan a laud ti Jerico.