NAHALIEL

[Napegges nga Ayus (Naapres a Ginget) ti Dios].

Lugar a nagpakarsuan dagiti Israelita di nagbayag sakbay ti pannakirupakda ken Sihon nga ari dagiti Amoreo. (Nu 21:19-24) Sigun iti Onomasticon ni Eusebius, masarakan dayta iti asideg ti Arnon. Ngarud, ti Nahaliel gagangay a nainaig iti maysa kadagiti dua a wadi, ti Wala (maysa a sanga nga agus ti Arnon) ken ti Zarqa Maʽin agarup 19 km (12 mi) iti amianan ti Arnon. Ti maysa a disso iti aniaman kadagitoy a wadi ket tumutop kadagiti naisingasing a pakabigbigan ti Mattana ken Bamot, ti dua a nagpakarsuan dagiti Israelita, a ti nagbaetan dagita ti mabalbalin nga ayan ti Nahaliel.