KANAL TI NILO, DAGITI

Dagiti kanal ti padanum a sumina iti karayan Nilo. (Ex 7:19; 8:5; Sal 78:44) Ti Hebreo a sao maipaay kadagiti kanal ti Nilo (yeʼo·rimʹ) ket pangadu a porma ti yeʼorʹ (ti karayan Nilo). Ti ekonomia ti Egipto ket naan-anay nga agpannuray iti Nilo, a mangipapaay iti danum a pagpadanum iti daga a gistay di matudtuduan ken kankanayon a manglayus iti daga, a mangibati iti naurnong a nadam-eg a lan-ak. Ti abasto a taraon ti nasion ket nagpannuray iti daytoy nga urnos. Gapuna ti panamagbalin a dara kadagitoy a dandanum nagbanag iti kalamidad iti nasion, no kasano a ti pannakaatian dagiti kanal ti Nilo ipalnaadna ti didigra.​—Isa 19:6; kitaenyo ti NILO.