PETAIAS

[Linuktan ni Jah [ti Aanakan]].

1. Ti “balay ti amma” a napili maipaay iti maika-19 iti 24 nga agrikrikus a benneg ti papadi nga inorganisar ni David.​—1Cr 24:5-7, 16.

2. Maysa kadagiti Levita a pinaregta ni Esdras a mangpapanaw iti ganggannaet nga assawada a babbai. (Esd 10:23, 44) Mabalin nga isu met laeng ti Num. 3.

3. Maysa kadagiti Levita a nangisingasing iti “mapagpiaran nga urnos” kadagiti nagsubli a destiero nga iti dayta rinepasoda ti pakasaritaan ti pannakilangen ti Dios iti nasionda, impudnoda ti basolda, ken immanamongda nga annurotenda ti pudno a panagdaydayaw. (Ne 9:5-38) Mabalin nga isu met laeng ti Num. 2.

4. Ti manangibabaet kadagiti napagsubli a destiero iti sanguanan ti ari ti Persia; anak ni Mesezabel ken kaputotan ni Zera a kameng ti tribu ni Juda.​—Ne 11:24.