PITOM

[manipud Egipcio, kaipapananna ti “Balay [Templo] ni Atum”].

Maysa kadagiti dua a siudad a pagidulinan nga imbangon dagiti naadipen nga Israelita idiay Egipto, a ti sabali pay isu ti Raamses. (Ex 1:11) Saan a maibaga ti eksakto nga ayanna. Dagiti konklusion dagiti arkeologo ket nalawag a naimpluensiaan iti kaaduan a panangmatmat a ti Faraon a nangirurumen kadagiti Israelita ket isu ni Ramses II, panangmatmat nga awan nabileg a nakaibatayanna.​—Kitaenyo ti RAAMSES, RAMESES.