POTIFERA

[manipud Egipcio, kaipapananna ti “Daydiay nga Inted ni Ra”].

Katugangan ni Jose; ni Asenat nga anakna ti nangipasngay kada Manases ken Efraim. (Ge 41:45, 50; 46:20) Ni Potifera isu ti padi nga agan-annong idiay On, sentro ti Egipcio a panagdaydayaw iti init, nalabit maysa a padi ti dios-init a ni Ra. Adda idiay Cairo Museum ti nagun-odan idi 1935 a batonlagip, wenno adigi iti panteon, nga adda nailanad iti dayta a nagan a “Putifar.”​—Annales du service des antiquités de lʼÉgypte, Cairo, 1939, Tomo XXXIX, p. 273-276.