PUBLIO

[manipud Lat., kaipapananna ti “Nalatak”].

Maysa a nabaknang nga agtagtagikua iti daga nga agnanaed idiay Malta. Siaayat a sinangailina ni Pablo ken dagiti kakaduana iti uneg ti tallo nga aldaw kalpasan a narba ti barkoda iti dayta nga isla. Pinaimbag met ni Pablo ti ama ni Publio manipud gurigor ken sika.​—Ara 28:7, 8.

Ni Publio “ti kangrunaan a tao iti isla.” Iti daytoy a gundaway, agparang a ti kasta nga awag ket ipasimudaagna ti maysa nga opisial a titulo nga umasping iti gobernador, a mabalin a tumukoy iti panguluen a Romano nga opisial iti dayta nga isla.