REPTILIA

Ti reptilia ket animal a nalamiis ti darana, adda durina, ken umanges iti angin. Ti Hebreo a termino para iti reptilia ket nagtaud iti berbo a za·chalʹ, kaipapananna ti “aguyas.” Kas nadakamat iti Deuteronomio 32:24, ti maysa kadagiti banag a mangriribuk iti idolatroso nga Israel ket ti “gita dagiti reptilia iti tapok,” a nabatad a tumukoy kadagiti nagita nga uleg. (Idiligyo ti Jer 8:17.) Iti Mikias 7:17, dagiti nasion a riniribuk ti pannakabalin ti Dios ket naikuna a rumrummuarda a kas kadagiti nabuak a reptilia manipud iti puesto a pagdepensaanda.

Malaksid kadagiti serpiente, ti dadduma pay a reptilia a nadakamat iti Biblia isu ti bannagaw, tekka, ken ti dadduma pay a karaman iti daytoy a pamilia.​—Kitaenyo dagiti komento iti sidong dagiti indibidual a naganda.