REZON

[nalabit, Nangato nga Opisial].

Maysa a manangsupiat ken Ari Solomon. Daytoy nga anak ni Eliada ket nagserserbi ken Hadadezer nga ari ti Zoba, nga inagaw kenkuana ni David ti Damasco. Nupay kasta, ni Rezon pinanawanna ni Hadadezer ket nangorganisar iti maysa a buyot dagiti tulisan. Iti di naibaga a tiempo, nagturay ni Rezon iti Siria manipud Damasco, ket nagrurod ni Rezon maibusor iti Israel nangnangruna manipud tiempo ti panagapostasia ni Solomon agingga iti ngudo ti panagturayna. (1Ar 11:23-25; 1Cr 18:3-6) No isu ti tao a naawagan Hezion iti 1 Ar-ari 15:18 kas kunaen ti dadduma, isu ngarud ti nagtaudan ti dinastia ti Siria a naaddaan iti adu a pannakilangen iti Israel.