SABTA

Anak ni Cus ken kabsat ni Nimrod; nagtaudan ti maysa kadagiti 70 a pamilia kalpasan ti Layus. (Ge 10:7, 8, 32; 1Cr 1:9, 10) Mabalbalin a nagyan dagiti kaputotan ni Sabta idiay makin-abagatan nga Arabia, nalabit iti maysa kadagiti disso a naawagan idi agangay iti umasping a nagan. Naikuna nga isu dayta ti Sabota (ti kadaanan a kabesera ti Hadhramaut), ket dakamaten met ni Ptolemy a dayta ti ili a naawagan Saptha iti asideg ti Gulpo ti Persia. Nupay kasta, kaskasdi a di sigurado ti aniaman a pananginaig ti Sabta kadagitoy a disso.