SAMMUA

[napaababa a porma ti Semaias, kaipapananna ti “Dimngeg (Nagimdeng) ni Jehova”].

1. Ti panguluen a nangibagi iti tribu ni Ruben nga imbaon ni Moises idiay Naikari a Daga kas maysa a managsimisim; anak ni Zacur. Kaduana ti siam a sabsabali pay a managsimisim a nangupay iti pammati dagiti Israelita a punasen ni Jehova dagiti kabusorda idiay Canaan.​—Nu 13:2-4, 28, 29.

2. Anak ni David a karaman kadagidiay impasngay ni Bat-seba, ngarud kabsat ni Ari Solomon. (2Sm 5:13, 14; 1Cr 14:3, 4) Naminsan a naawagan iti Simea.​—1Cr 3:5.

3. Maysa a Levita iti linia ni Jedutun. Ti anakna wenno kaputotanna a ni Abda ket nagnaed idiay Jerusalem kalpasan ti pannakaidestiero idiay Babilonia. (Ne 11:17) Naawagan Semaias iti 1 Cronicas 9:16.

4. Maysa a padi a nangidaulo iti sangakabbalayan ni Bilga iti dasig ti amana idi kaaldawan ni Joiaquim a simmukat ken Jesua.​—Ne 12:12, 18.