SEBANIAS

1. Maysa a padi a nangpuyot iti trumpeta iti martsa a nangkuyog iti lakasa ti tulag idi naipan idiay Jerusalem idi kaaldawan ni David.​—1Cr 15:3, 24.

2. Maysa a napadian a sangakabbalayan iti dasig ti amma nga imbagian ni Jose idi kaaldawan ni Joiaquim a suno ti nangato a padi a ni Jesua. (Ne 12:12, 14) Iti umasping unay a listaan ti papadi a nagsubli a kadua ni Zorobabel idi 537 K.K.P., Secanias ti naaramat imbes a Sebanias. (Ne 12:1-7) Bayat ti kinagobernador ni Nehemias, maysa a kameng ti isu met laeng a pamilia wenno maysa a padi a kastoy met laeng ti naganna ti nangpatalged iti naaramid a tulag ti nasion.​—Ne 10:1, 4, 8.

3. Maysa kadagiti Levita wenno pannakabagi ti maysa a pamilia dagiti Levita a kastoy met laeng ti naganna. Kapanawenanna da Esdras ken Nehemias a nangidaulo kadagiti Judio a nangipudno iti basbasolda babaen iti kararag, a kalpasanna nangilungalongda iti tulag ti kinamatalek sada sinelioan dayta.​—Ne 9:4, 5, 38; 10:1, 9, 10.

4. Sabali pay a Levita a nangpatalged iti isu met laeng a mapagpiaran nga urnos, mabalin a babaen ti bukodna a nagan wenno ti nagan ti maysa nga inapo.​—Ne 9:38; 10:9, 12.