SELEF

Ti maikadua a nainaganan nga anak ni Joctan; nagtaud kenkuana ti maysa kadagiti nagkauna a pamilia kalpasan ti Layus. (Ge 10:26; 1Cr 1:20) Adda Arabiano a sasao a katupag daytoy a nagan a masarakan kadagiti Sabeo a kitikit (sakbay ti maikapito a siglo K.K.P.) a nangdakamat iti maysa a distrito ti Salaf wenno Salif idiay Yemen. Ti sabali pay a porma ti nagan ket mabalin a nataginayon iti nagan a Sulaf, maysa a lugar nga agarup 100 km (60 mi) iti amianan ti Sanʽa, ti kabesera ti Republika ti Yemen. Nupay kasta, dagitoy a panagkakaasping ket mangipamatmat laeng iti kaaduan a nagnaedan dagiti kaputotan ni Selef.