SEFATIAS

[Nangukom ni Jehova].

1. Maysa kadagiti Benjamita a mannakigubat a nangpanaw ken Saul sa dimmasig ken David idiay Siclag; maysa a Harifita.​—1Cr 12:1, 2, 5.

2. Ti maikalima nga anak a naipasngay ken David bayat nga agturturay idi idiay Hebron (1077-1070 K.K.P.). Ni Abital ti ina ni Sefatias.​—2Sm 3:2, 4; 1Cr 3:1, 3.

3. Ti prinsipe ti tribu ni Simeon bayat ti panagturay ni David; anak ni Maaca.​—1Cr 27:16, 22.

4. Maysa kadagiti annak ni Jehosafat nga inikkanna iti adu a sagut ken kadagiti nasarikedkedan a siudad, nga idi agangay pinapatay ti inaunaan a kabsatna a ni Jehoram.​—2Cr 21:2-4.

5. Maysa kadagiti prinsipe ti Juda ken anak ni Mattan. Idi nagun-odna ti pammalubos ni Ari Zedekias a mangpapatay ken Jeremias, impaipisokna ti mammadto iti pagurnongan ti danum.​—Jer 38:1-6, 10.

6. Ti nagtaudan ti maysa a pamilia iti Israel. Manipud iti daytoy a pamilia, 372 a lallaki ti nagsubli a kadua ni Zorobabel idiay Jerusalem idi 537 K.K.P., ken 80 a kanayonan pay, nga indauluan ni Zebadias, ti nagsubli a kadua ni Esdras idi 468 K.K.P.​—Esd 2:1, 2, 4; 8:1, 8; Ne 7:9.

7. Maysa a pamilia iti “annak dagiti adipen ni Solomon” a nagsubli met a kadua ni Zorobabel manipud Babilonia.​—Esd 2:1, 2, 55, 57; Ne 7:59.

8. Maysa a Benjamita a karaman dagiti kaputotanna a nailista nga agnanaed idiay Jerusalem kalpasan ti pannakaidestiero idiay Babilonia.​—1Cr 9:7, 8.

9. Maysa a kaputotan ni Juda babaen ken Perez ken inapo ti maysa a nagnaed idiay Jerusalem bayat a gobernador ni Nehemias.​—Ne 11:1, 2, 4.